වැඩිමල් කෙල්ලෙක් කියන්නෙ මීට ටික කාලෙකට කලින් සමාජයට අසම්මතයක් වගේ වුනාට දැන් සමාජයට නං ඒක ඒ හැටි ගානක් නෑ, ආදරයට වයස ප්‍රශ්නක් නෑ කියන තැන ගොඩක් දෙනෙක් ඉන්නවා.
මුලින්ම අපි වාසි ගැන සොයා බලමු.
1. සමාජයට බය නෑ
මෙන්න මේකත් ඍජු තැනක්. දැන් සාමාන්‍යයෙන් අපි එදිනෙදා මුහුණ දෙන සමාජයේ සෙට් වෙන ප්‍රශ්න ටිකක් තියෙනවානෙ. සාමාන්‍යයෙන් තමුන්ට වඩා බාල කොල්ලෙක් එක්ක යාළු වුනාම කෙල්ලෙකුට අමුතු ගැම්මක් එනවා. අන්න ඒ ගැම්ම නිසාම එයා සමාජයේ පොදු මතය බැහැර කරන, රැඩිකල් එහෙත් ඩිප්ලොමැටික් කැරැක්ටර් එකක් වෙනවා. කාටවත් කරදරේකුත් නෑ, යටත් වෙන්නෙත් නෑ, කියන දේ අහන්නෙත් නෑ. නරකක් කරන්නෙත් නෑ වගේ ටයිප්. මේක මාර සිරා තත්තවයක් බව එහෙවු කෙල්ලෙකුට ලවු කරපු කොල්ලො මොනිටරේ උඩ අත තියලා දිවුරාවි.
2. හොඳ රැකවරණයක්
මෙන්න මේක තමයි වැඩිමල් කෙල්ලෙක් ඉන්න එකේ තියෙන ප්‍රමුඛතම වාසිය. ඇයි ඉතිං එයාට හොඳ ඉවසීමක් තියෙනවා. අන්න ඒ නිසා ප්‍රශ්නයක් මගහරවන්න කරන්න ඕන මොකද්ද කියන දේ එයා එක්ස්පීරියන්ස් වලින්ම දන්නවා. සමහරවිට එයාට මීට කලින් එයාගෙ වයසෙ පෙම්වතෙක් ඉඳලා තියෙන්නත් පුළුවන්. එහෙමනං එයා දන්නවා ගානට ඔයාව මැනේජ් කරන්න. ආයෙ ඉතිං අම්ම ලඟ ඉන්නව වගේ තමයි. හිතේ ප්‍රශ්න කොහෙන් ගියාද නෑ.
දැන් අවාසි පැත්තට හැරෙමු
1. සමාජයෙන් එන කතා
ගෙදරින් වගේම අවට සමාජයෙන් මෙහෙම ලවු එකක් ගැන එන කතා එච්චර හොඳ ඒවා නෙමෙයි. අන්න ඒ වගේ තතත්ත්වයකදී සාමාන්‍ය ලවු එකකට අහන්න වෙන කතා ප්‍රමාණයට වඩා සිවු ගුණයක් විතර අවුල් දේවල් මේ ලවු එක සම්බන්ධයෙන් ඔයාට අහන්න සිද්ධ වෙනවා.
2. එයාගෙ යාළුවො මැද තමුන් පොඩි එකා වීම
කොල්ලගෙ හැම ගැදරින් එකකටම කෙල්ල නොආවට කෙල්ලගෙ හැම ගැදරින් එකකටම යන්නට කොල්ලට සිද්ධ වෙනවා. ඒක තමයි වැඩිමල් එකක් බැඳපුවාම තත්ත්වෙ. ඒක හරියට නිකං අම්මා දරුවව ඔෆිස් අරං යනව වගේ සීන් එකක්. දැන් මේකෙදි ගොඩක් වෙලාවට අනිත් පිරිමි හිටියත් උණුත් තමුන්ට වඩා හෙන වැඩිමල් වීම සහ තමුන්ට අන්තිමට ඉතුරු වෙන ගෑනු ගොඩත්, තමුන්ට වඩා වයසින් වැඩි වීමේ ප්‍රශ්නය පැණ නගිනවා. ඇත්තටම ඉතිං මෙහෙම තැනකදි ෆේස්බුක් එකේ උඩටයි පහලටයි යනව ඇරෙන්න වෙනිං කරන්න දෙයක් නෑ.