කළා ලෝකයේ ඉන්න ජනප්‍රියම රංගන ශිල්පිනියන් අතරින් හැමෝගෙම ආදරේ දිනාගන්න සමත්වුණ දක්ෂ රංගන ශිල්පිනියක් තමයි මේධා ජයරත්න කියන්නේ, මේධා ගැන කතාකරදී කතා නොකරම බැරි මාතෘකාවක් තමයි ඇයගේ සුන්දරත්වය, ඉතින් මේධා කොහොමද මෙච්චර හැඩට ඉන්නේ ”මම බබාලා පොඩි කාලේ මම හිතුවේ එයාලා ගැන විතරයි, හැබැයි දැන් මම මගේ ගැන හිතනවා, ඒ වගේම මම සතියට දවස් හතරක් ජිම් එකට යනවා, ඒ වගේම කෑම ගන්නෙත් හරිම පරිස්සමින්, ගොඩක් කාන්තාවන් හිතාගෙන ඉන්නේ අවුරුදු හතලිගෙන් පස්සේ රිවස් එකට යනවා කියලා හැබැයි ඉතින් උත්සාහය සහ උනන්දුව තියෙනවනම් හැඩට ඉන්න පුළුවන්”
මේධා කියන්නේ රංගනයේදී තෝරාගැනීම් කරන කෙනෙක්ද..? ”බොරු කියන්නේ මොකටද ලංකාවේ හැටියට එහෙම ලොකුවට තෝරාගැනීම් කරන්න බෑ, මොකද අපිට නිර්මාණ ලැබෙන්නේ බොහොම අඩුවෙන්, මට දිගටම මේ ක්‍ෂේත්‍රයේ රැඳිලා ඉන්න ඕන, ඉතින් මම එහෙම ලොකුවට තෝරන්නේ නෑ, හැබැයි ඒකෙන් කියන්නේ මම ලැබෙන හැම නිර්මාණයක්ම බාරගන්නවා කියන එක නෙවෙයි, මම මට ගැලපෙන්නේ නැති නිර්මාණ මම ප්‍රතික්ෂේප කරනවා, හැබැයි මේ පවතින තත්වය එක්ක මෙගා කරන්නේ නෑ කියන තැන මම ඉන්නවා”
මේ ක්‍ෂේත්‍රයේ හැමෝටම කාලයක් රඳාපවතින්න අමාරුයි, ඔබ කාලයක් ගියත් ජනප්‍රියත්වය ඒ විදියටම තියාගෙන ඉන්නවා කොහොමද එහෙම කලේ ”මෙහෙමයි අද වෙනකන් මම වැඩ ඉල්ලගෙන කාගේවත් පස්සෙන් ගිහින් නෑ, මම මේ වෙද්දී බාරගත්ත වැඩ වලට අත්හැරපු වැඩ වැඩියි, මම මුලින්ම මේ ක්‍ෂේත්‍රයට සම්බන්ද වෙන්නේ නිවේදිකාවක් විදියට, එහෙම ඉද්දී තමයි මට රංගනයට ආරාධනා ලැබෙන්නේ, මම මටම කියලා වෙනම අනන්‍යතාවයක් හදාගත්තා, මම කලින් අවුරුදු පහක් රංගනයෙන් ඈත්වෙලා හිටියා, එහෙම ඉඳලා ආවත් මට ආරාධනා ලැබුනා, මේක මගේ ධක්ෂතාවය නිසා ආව ගමනක්, එක එක අයට ඒවා මේවා දීලා ආවගමනක් නෙවෙයි මේක”
මේ වෙද්දී ඔබ තනිවුන කාන්තාවක් ඉතින් ඒ ගැන මොකද හිතන්නේ ”මම තනි වුන කාන්තාවක් නෙවෙයි මට දැන් බෝයි ෆ්‍රෙන් කෙනෙක් ඉන්නවා, හැබැයි අපි විවාහයකට යනවද කියලා අපි තාම තීරණය කරලා නෑ, මම කලින් විවාහ වෙලා තනිවුන කාන්තාවක්, මට ආයේ විවාහ වෙන්නත් හිතෙනවා, හැබැයි මම දන්නේ නෑ මගේ අදහස වෙනස් වෙයිද කියලා, අපි ආදරේ කරනවානම් විවාහ වුනා කියලා ඒක බිඳෙන්නේ නෑ, විවාහ නොවුනා කියලත් ඒ ආදරේ බිඳෙන්නේ නෑ”