බොහෝ පක්ෂි නිරීක්ෂකයින් (bird watchers) සහ විද්‍යාඥයින් (scientists) පවසන්නේ ලෝකයේම දළ වශයෙන් දැනට සොයාගෙන ඇති පක්ෂීන් 9,000 ත් 10,000 ත් අතර සංඛ්‍යාවක් සිටින බවයි. ඒවා හඳුනා ගැනීමට ඇති ප්‍රධාන ක්‍රමයක් වන්නේ භෞතික පෙනුම වන අතර ඔබ මේ රූප රාමු කෙරෙහි සමීපව බැලීමට පටන් ගත්තොත් කුරුල්ලන් විවිධ හැඩයන්ගෙන් හා වර්ණවලින් පැමිණෙන බව පැහැදිලිය. සමහර ඒවා නියත වශයෙන්ම සොබා දහම විසින්ම දායාද කර දැමූ අලංකාරයි. ඇදහිය නොහැකි ඇහිබැමි ඇති අයගේ සිට කුඩා කපු බෝල මෙන් පෙනෙන අය දක්වා ලොව පුරා සිටින ලස්සනම කුරුල්ලන්ගේ එකතුවක් තමයි විශ්වකර්ම අපි අද ඔයාලට ගෙන එන්නේ.
කුරුලු පිහාටු අතර ඇති වෙනස්කම් තේරුම් ගැනීම ඒවා හඳුනා ගැනීමට කැමති සෑම කෙනෙකුටම අත්‍යවශ්‍ය වේ. මෙම පින්තූරයෙන් කුරුල්ලන්ගේ පිහාටු වලට යොමු වන අතර එම පිහාටු වල වර්ණය හා රටාවද හොඳින් නිරීක්ෂණය කරන්න.
විලෝපිකයන්ගෙන් ආරක්ෂා වීම, සැඟවීම හරහා සහ සහකරුවන්ට ලිංගික ආකර්ෂණය ඇතුළු විවිධ හේතු නිසා කුරුල්ලන් හට විවිධ පිහාටු ලැබී ඇත. කුරුල්ලන්ට සාමාන්‍යයෙන් අවම වශයෙන් වසරකට වරක්වත් පිහාටු හැලී නැවත ප්‍රතිස්ථාපනය කරයි.
“කුරුල්ලෙකුගේ ශරීරයේ ඇති සෑම පිහාටුවක්ම මනාව සකස් කරන ලද ව්‍යුහයක් වන අතර එය කුරුල්ලන්ගේ ක්‍රියාකාරකම් සඳහා වැදගත් කාර්යභාරයක් ඉටු කරයි” යනුවෙන් කෝනල් විද්‍යාගාරය සඳහා විද්‍යාව හා සොබාදහම සම්බන්ධ කර ගැනීමේ (the co-director for Engagement in Science and Nature for the Cornell Lab) සම අධ්‍යක්ෂක Mya Thompson ප්‍රකාශ කලේය. “පිහාටු කුරුල්ලන්ට පියාසර කිරීමට ඉඩ සලසයි. ඒ වගේම ඒවා විවිධ අවශ්‍යතා සඳහාද උපකාරී වේ.”
“සමහර පිහාටු කාර්යක්ෂම ගුවන් ගමනක් සඳහා විශේෂිත ගුවන් යානයක් ලෙස පරිණාමය වී ඇත. අනෙක් ඒවා ආකර්ශනීය ලෙස සොබා දහම තුල කැපී පෙනෙන්නට නිර්මාණය වී අතර ඒවා පියෑඹීම සඳහ පරිණාමය වී නැත. බොහෝ විට අපට පිහාටුවක් ක්‍රියා කරන ආකාරය පහසුවෙන් කිව හැකිය, නමුත් සමහර විට පිහාටුවක භූමිකාව කුමක්ද යන්න විධිමත් විද්‍යාත්මක අධ්‍යයනයක් අවශ්‍යයි” තොම්සන් පැහැදිලි කළේය.
මෙම අබිරහස් වලින් එකකට හොඳ උදාහරණයක් වන්නේ මහා අං සහිත බකමූණන්ගේ (Great Horned Owls – Bubo virginianus) හිස මත පිහාටු රොදක් වන අතර ඒවා බොහෝ විට කන් ලෙස වරදවා වටහා ගනු ලැබේ. මෙම නවීකරණය කරන ලද සමෝච්ඡ පිහාටු කණෙන් සම්පූර්ණයෙන්ම වෙන්වී ඇති අතර බකමූණන්ට ඇසීමට උදව් නොකරයි. නමුත් විද්‍යාඥයින්ට මෙම පිහාරු රොදේ ක්‍රියාකාරිත්වය පැහැදිලි කළ නොහැක. සමහරු සිතන්නේ අං ප්‍රදර්ශනය සඳහා වන අතර තවත් සමහරු උපකල්පනය කරන්නේ බකමූණෝ දිවා කාලයේ සැරිසරන අතරතුර වඩාත් සම්පූර්ණ සැඟවීම සඳහා ඒවා භාවිතා කරන ලෙසයි, නමුත් කිසිවෙකු නිශ්චිතව දන්නේ නැත.
ඉතින් ඔයාලට මේ රූප රාමු තුලින් ඔබගේ දැනුමට යමක් ලැබුන කියල හිතනවනම් මෙය ශෙයාර් කරන්නත් අමතක කරන්න එපා. විශ්වකර්ම ඔස්සෙ තවත් මෙවැනිම තොරතුරු සමගින් නැවත හමුවෙමු.