යදුරු බලපත්‍ර මුද්‍රණය කිරීම සඳහා වන මෘදුකාංග නඩත්තු ගිවිසුම හා සම්බන්ධ පිරිවැය රජය විසින් සැලකිය යුතු ලෙස අඩු කර ඇති බව Newsfirst වාර්තා කරයි.
මෙම පියවර මගින් තරඟකාරී ටෙන්ඩර් ක්‍රියාවලියක් හරහා රජයට වාර්ෂිකව රුපියල් මිලියන 156ක් ඉතිරි කර ගත හැකි බව එම වාර්තාවේ දැක්වේ.
වරාය හා සිවිල් ගුවන් සේවා නියෝජ්‍ය අමාත්‍ය රුවන් කොඩිතුවක්කු මහතාට අනුව, වසර 13ක් පුරා වෙනස් නොවී පැවති පෙර ගිවිසුම සඳහා රජයට වසරකට රුපියල් මිලියන 184ක් වැය විය.
විනිවිදභාවයෙන් යුත් ප්‍රසම්පාදන ක්‍රියාවලියකින් පසුව, නව ගිවිසුම වාර්ෂිකව රුපියල් මිලියන 28කට ලබා දී ඇති බව අමාත්‍යවරයා අනාවරණය කළේය.
තනි රියදුරු බලපත්‍රපත් මුද්‍රණය කිරීමේ පිරිවැය ද අඩු කර ඇති බව ඔහු පැවසීය.
සංශෝධිත ගිවිසුම යටතේ, එක් කාඩ්පතක් සඳහා වන පිරිවැය රුපියල් 311 සිට රුපියල් 263.80 දක්වා පහත වැටී ඇත.
මෙම පියවර මගින් සැලකිය යුතු මහජන මුදල් ඉතිරි වනවා පමණක් නොව, පෙර ටෙන්ඩර් ක්‍රියා පටිපාටිවල තිබූ අක්‍රමිකතා ද විසඳෙන බව නියෝජ්‍ය අමාත්‍යවරයා පැවසීය.
නව ගිවිසුම යටතේ රියදුරු බලපත්‍රපත් 800,000ක් සඳහා අමාත්‍යාංශය විසින් ඇණවුම් කර ඇත.