සෞඛ්‍ය අමාත්‍යාංශයේ නිලධාරීන් සෞඛ්‍ය, ජනමාධ්‍ය සහ කාන්තා සවිබල ගැන්වීම පිළිබඳ ආංශික අධීක්ෂණ කමිටුවට දැනුම් දී ඇත්තේ මේ වන විට අත්‍යවශ්‍ය වෛද්‍ය සැපයුම්වල හිඟයක් නොමැති බවයි.
බොහෝ අත්‍යවශ්‍ය වෛද්‍ය සැපයුම්වල පවතින තත්ත්වය පිළිබඳව කමිටුව විමසූ අවස්ථාවේදී නිලධාරීන් මේ බව සඳහන් කළා.
සෞඛ්‍ය අමාත්‍යාංශයේ නිලධාරීන් කමිටුවට වැඩිදුරටත් දැනුම් දුන්නේ ඖෂධ හිඟය ඇති වී ඇත්තේ පෙර වසරවලදී ඇණවුම් කිරීමේ ප්‍රමාදයන් හේතුවෙන් බවයි.
කෙසේ වෙතත්, ඔවුන් කමිටුවට සහතික වුණේ 2026 වසර සඳහා අවශ්‍ය ඖෂධ ප්‍රසම්පාදන ක්‍රියාවලිය දැනටමත් ආරම්භ කර ඇති බවත්, 2026 දී කිසිදු හිඟයක් ඇති නොවන බවත්ය.
තවද, මෙම වසර අවසන් වන විට අත්‍යවශ්‍ය ඖෂධවලින් 80% ත් 90% ත් අතර ප්‍රමාණයක් රට තුළ ලබා ගැනීමට අපේක්ෂා කරන බවද ඔවුන් ප්‍රකාශ කළා.